كلمات شيلة الصعب بو سلطان - أسعد البطحري
ل الصعب بو سلطان سيره
متصدره روس العناوين
نشمي ويا مبعد نظيره
في كل موقف فعله يبين
شف وسند عون وذخيره
وافي ومن ناسٍ وفيين
متفوق بخيله وطيره
وتفوز هجنه في الميادين
بالخص في اشواط الظهيره
يضيف فوق الرمز رمزين
كاسات وسيوفٍ شطيره
عند الشلافي والنياشين
تلحق ذلوله مستذيره
تربش مصور والمذيعين
وسيعت الباهر غزيره
كنه مكان الضلع ضلعين
في اليوف مخزون وذخيره
يسجنها من الاصل نهرين
تلحق بشمقه مستذيره
وتجاوز السبق من اليمين
تسرع في الأمتار الاخيره
تفرق بعرضن يبهر العين
الشوط تحسم له مصيره
تفرح جماهيراً محبين
من المسك والشامي عبيره
تطلا وتاخذ قسم ثنتين
تظهر من الدوره اميره
وعلى ضهرها الشاذر يزين
سووا لها موكب مسيره
لي بفوز ابو سلطان فرحين
محمد لذي في كل ديره
طيب نباه وفعله يبين
معروف في شبه الجزيره
حكيم راي وذرب وفطين
على المراجل فيه غيره
وعزمه يخلّي الكايد يلين
متميز بعرف وبصيره
يشري النوادر بالملايين
عند الجماهير الغفيره
يناله بفوزه مهنيين
كلمات شيلة الصعب بو سلطان
كلمات : مبارك بن عامر الحبسي
اداء : أسعد البطحري