كلمات شيلة احلام عمري - الوليد ال عامر
لوّح الليل بكفوفه للشفق واعلن غروبه
وابتدى فجرٍ يهدم أحلام عمري والأماني
كن من بيني وبين الليل غايات إمحسوبه
احتفي به بالدموع ويحتفي بي بالأغاني
والله إن الليل لآمن هب في صدري هبوبه
كنه يبشّر بحلمٍ ما قدر فيه الزماني
حلمي اللي راح وعيوني تلد العين صوبه
ماترك لي غير جرحٍ منه أنا للحين أعاني
آه من حلمٍ عطيته قلب واحساس ورحوبه
وآه من جرحٍ مقره من ورى حدب المحاني
والبلا ما قلت أنا للقلب والإحساس توبه
امتمسك بالأمل رغم انعدامه في كياني
إيه أنا اللي واجه في وقته وفيامه صعوبه
وايه أنا اللي ما يغيّره الزمان لشخص ثاني
واجه الأيام راسي وانتصر على كروبه
والسلاح اللي معي قو العزيمه والتفاني
ماهزمني غير من فيها التغطرس والعذوبه
اللي أخْذت كل شي أنا املكه حتى لساني
أقبلت مثل السحاب اللي يشابها نصوبه
وامطرت واللي فرح فقدومها سهيل اليماني
جات تعطيني أمل في الوقت والدنيا اللعوبه
واستحلّت قلبي الطاهر من الأربع ثواني
مادريت إلا وأنا قلبي يشوف إله امحبوبه
تاخذه من حزنه اللي فيه الافراح وتهاني
الله أعطاها مالا اعطا غيرها ملح ومهوبه
كن ربي خصها بالحسن عن قاصي وداني
جيتها وأكبر طموحي وصل نمشي في دروبه
مادريت إن الحزن والهم دوب انه لاقاني
يوم جات الصدر كان اثقل حمل عليه ثوبه
ويوم راحت كن صدري لأعظم همومي مواني
كلمات شيلة احلام عمري
كلمات : ناصر البحيري
اداء : الوليد ال عامر
توزيع ومكس : استوديو تون لايف