كلمات مهرجان عنبر عنبره على نفسيتي المدمره - عصام صاصا
عنبر عنبره على نفسيتي المدمره
البدله مزهره وساعات عمري متأخره
صبّح عمنا على كل اللي بيحبنا
عايشين بنزاهة في الدنيا كبيرنا ربنا
عنبر امساجين أنا جاي وربنا المعين
حاطين ع التخين جوه وبره مسمعين
دنية نفسنه والخلق مش حنينة
شغل المسجنه ما ياكلش معانا ياعمنا
جمّع شلتك ما تخافش مش هنموتك
بس هنخبطك خبطتنا ياض هتصيطك
مصدر الشغب أنا لما جيت كله اترعب
عايش بالأدب وعمري بره ما بتغلب
يلا قبلو واوعدكم مش هتستحملو
نصكم يتخبط والنص الثاني هقتلو
شادد أجزائي بضرب ضرباتي مش عشوائي
قلبي أنا فدائي على عمري ماعدتش أنا باقي
عنبر عنبره على نفسيتي المدمره
البدله مزهره وساعات عمري متأخره
عمري ما عيشتوش
ماهو عدّى في ضيقة ما شفتوش
خلق على فاشوش
في زيارة الأحباب ماجوش
ياه على نبرهم ودّى الحبايب قبرهم
ناس بنحبهم يجرحوا ويخونوا بقلبهم
اصحابنا الهوا فرّق بعد ما كنا سوا
ده انا ماشي بالدوا من غدركو قلبي اتكوا
عيش وملح هان كلو بيطفح علشان جعان
زميلي طلع جبان ماهو وقت الشده كله بان
ده انا شفت العجب أنا شايف دم للركب
ناس عاشوا للرتب وناس عايشينا بالأدب
على ايه بترشدوا ابتستفادوا بتقبضوا
لابتحليطو فالحين في اخواتنا تأبدو
هات ورقه وقلم واكتب على قلبي اللي اتظلم
ما الحكم اتحكم والطيب أصبح متهم
كوكب الخداع مانا عدى عمري مني ضاع
عايش في الوجع من كله شفت أنا البدع
قلبي بيتجرح مش عارف ايه طعم الفرح
بخرب واستبح بالليل بظهر علشان شبح
مش هتشوفو وقعتي
طول ما انا لسه بصحتي
ماتجوش سكتي لو جيتوا العركه هتبتدي
ياه على الزمن يرضيكو أتباع من غير تمن
جدع واتسجن بس الاندال قالو ادفن
احذرو رجعته ماهي دي ماكانتش وقعته
ضربة وقوته والابطال منو اتهددو
كلمات مهرجان عنبر عنبره على نفسيتي المدمره
مهرجان: عنبر عنبره على نفسيتي المدمره
غناء: عصام صاصا
كلمات: عصام صاصا وعبده روقه
توزيع: كيمو الديب