كلمات الحكاية بدات هزار - كريم كرستيانو
الحكايه بدأت هزار
دب طخ مسكت نار
اتحاربت من الكبار
بس سندلت ووديت
الشارع خلاني فاقد
ليل نهار ع الناصيه راقد
الذنوب كترت وزادت
في الشمال فجأه اتحطيت
لما ابقى على ايدي بني
اللي خاني جالي وحضني
النفوس كلبة فلوس
كله عامل نفسه مني
انتو جنبي ومش معايا
انتو جنبي عشان معايا
واللي قال سرك في بير
طلع صحفي بتاع دعايه
السلام بلد الاسود
لو خطأت هناك تموت
تلقى ماندو السني قصادك
يربطك وقتي في عمود
ماندو مكتوب في الهويه
سبع شارع اسكندريه
اوعى تندب ماندو السني
ماندو فرد بيقوم بمية
الطريق اللي انا فيه
غصب عني غرزت فيه
قالوا عني ده فيه وفيه
والواحد فيه اللي مكفيه
قالوا بقى شغال سليم
قالوا ضيّع ع الحريم
قالوا عايش في النعيم
قالوا بلعب بالجنيه
وقعوا حاولوا يوقعوني
كانوا فاكرين هيشطوني
نكشوا وما قدروش عليا
رشدوا عايزين يحبسوني
عملوا قعده وخططولي
كام شنب بيرقدولي
وانا داخل بيتنا الفجريه
امنا من سطحنا نزلولي
تحقيقات في استمرارات
حرزي كله مخدرات
والمحامي ما لقاش ثغرات
يعني دغري أنا لابس لابس
ده مؤبد ده كتير يا قاضي
حكم صعب لكني راضي
واحده اتجار مع تعاطي
جت فاتوره ولازم احاسب
اي واقعه وليها قومه
مش هموت عند الحكومه
جوه بره هعيش واتعايش
يعني مش هغلب في نومه
يا اللي حبستي فايده ليك
بكره هاجي اردم عليك
هي رحله مسيرها تحلى
ولما تحلى هاخد عينيك
من مكاني باعت جواب
للي واقفين في الدولاب
لما كينج اللعبه غاب
خدتوا مساحتكم براحتكو
ما تخافوش مني اتهديت
مش هبيع تاني اكتفيت
بيعوا واتشعلقوا في الصيت
الحرام عمره ما هيفيدكو
ياما انا اتغيرت لاجلك
هطلع ابرك تحت رجلك
همشي دغري وبالحلال
صلي يا مايا وادعي لابنك
وادعي ع اللي في يوم اذاني
واللي بين جدران رماني
وادعي ياما بإني اطلع
وما ارجعش المكان ده تاني
كلمات اغنية الحكاية بدات هزار – كريم كرستيانو
مهرجان: الحكاية بدأت هزار
غناء: كريم كرستيانو الغزال
كلمات: تاكسلو
توزيع: أمجد الجوكر