كلمات شيلة ياعجيبه - فهد بن غرمان
اترك الماضي وخل الوقت ياتي باللي هي به
واستمع شور المجرب كان تحتاج السلامه
ماضيٍ يقلب مزاجك في حياتك وش تبي به
اتركه في خلف ظهرك لا يوردك الندامه
والله ان الوقت قاسي والاوادم مستصيبه
كل شخصٍ فالحياه الوقت سوا له علامه
فيه من صبره مثالن في المجالس ينحكي به
الصواديف الثقيله ماخلفت غاية مرامه
فيه من يسخط ولا يصبر على شي ابتليبه
من بعد حسه زمانه الجزع اطلق لجامه
من سلك درب الصبر ربي على اجره حسيبه
بشروا منهو يحط الصبر في عينه جهامه
من سلك درب التسخط من لياليه الصعيبه
ينحدر في واديٍ مشهود له قوة ظلامه
البشر صارت تشكك حول الاريا الصويبه
واليقين اصبح مشابه في وجوده وانعدامه
الصراحه عند هالعالم غدت حاجه مريبه
والتملق صايرا راعيه في كرسي الزعامه
المصيبه اه يا وجدي على فرقى المصيبه
التزمت ارسم على وجهٍ تغلق الابتسامه
يا عجيبه بنشدك وابغى الاجابه يا عجيبه
كيف قاويتي الطيور الجارحه وانتي حمامه
كلمات شيلة ياعجيبه
اداء وألحان : فهد بن غرمان
كلمات : محيا الهاجري
مكس توزيع : تون لايف