كلمات شيلة كيف جيتي - فهد بن فصلا
كيف جيتي ما توقعت تجمعنا الظروف
كيف ردتك المقادير ينصر دينها
مرحبا واهلا هلا فيك ياعين الهنوف
اصبري نفرش لك الارض لا تمشينها
السنوات الطويله طويله والصدوف
انقطع حبل التلاقي على سكينها
ماطرى لي عقب غيبه
وياس وحرق جوف
يجمع الله الشتيتين فيما بينها
حول عشر سنين واكثر وحنا في خسوف
أشرقت بقدومك الشمس لا تنسينها
الكواكب والمجره تصفق لك وقوف
كل واحد قال رد السلام لعينها
المطر بشّر بك الارض فرحان وشغوف
كيف ينسى طفلة الماء وينسى زينها
اقبلي يعزف لك العود وتطق الدفوف
والقصايد كل وحده على تلحينها
يا رقيقه يوم اخذتي من اسماء السيوف
اصبحت من قوها تفتخر في لينها
اجلسي لك نصف ساعه تسوين معروف
ودي أغني بك أبيات ماتبغينها
داخلي فرحة محبة حيا تقدير خوف
كل وحده تاخذ الثانية بيدينها
كيف جيتي ماتوقعت تجمعنا الظروف
كيف ردتك المقادير ينصر دينها
كلمات شيلة كيف جيتي
كلمات : محمد السكران
أداء : فهد بن فصلا
توزيع ومكس : حازم الأبيض