كلمات اغنية يا ابو عين زايغة - حنين
قاعدة وعمّالة أتكلم
وإنت مفيش كلمة تقولها
سرحان يا سلام ومبلّم
وكمان بعينيك هتاكلها
لو عايز أجيبها تسلم
ولا تروح إنت تكلّمها
يا أبو عين زايغة وبصّاص
اتكشفت وقعت خلاص
لو ضربوا عينيك برصاص
مش هتسيب بنت في حالها
اعقل بطّل ألاعيب
امسك نفسك كده عيب
قال يعني الواد حبيب
قطَّعت السمكة وديلها
مُغرم وعينيك بتفسّر
وبتغمز وتبصلها
قال يعني الواد متأثر
ما تروح يلا وحصّلها
صدقني ومش هيخسر
حتى لبيتها توصلها
يا أبو عين زايغة وبصّاص
اتكشفت وقعت خلاص
لو ضربوا عينيك برصاص
مش هتسيب بنت في حالها
اعقل بطّل ألاعيب
امسك نفسك كده عيب
قال يعني الواد حبيب
قطَّعت السمكة وديلها
كلمات أغنية يا ابو عين زايغة
كلمات: محمد الجمال
ألحان: مؤمن عمارة
توزيع، ميكس وماسترينغ: مؤمن ياسر