كلمات شيلة تبسمي - ماجد الرسلاني
تجملي قدامهم واقهريهم
مدامك تعيشين في قلب رجال
من دونك يوقّف ولا يحتريهم
يرخص لك عيونه قبل يرخص ريال
تبختري يا فتنتي وافتنيهم
خلي القلوب يصيبها بشوفك جفال
تقدمي يا مهرتي وافهقيهم
دامك خذيتي شوطهم ثقل وهبال
ايه انثريهم واجمعي وانثريهم
انتي سحابة زين والحسن همّال
تهافتي واسترسلي واسفهيهم
دام الوعد قدّام والعود ميّال
تبسمي وإلتفتي وعانديهم
تغندري مع كل شيله وموال
تمايلي باحساسك وسكّتيهم
لا يا بعد حسّادك وكل الأزوال
واذا انتثر ليل المتون إلفحيهم
سواد شعرك ضيّع الليل والشال
وبنص عين بنظرتك جننيهم
خليهم يعيشون مع كحلك اهوال
تطاولي في رقّتك واكتميهم
وتبدلي بالزين من حال لي حال
طوفي على عقول العرب بعثريهم
دامك قضية دوّخت كل الأجيال
واذا نسوا طاري الغلا ذكّريهم
يا حظ من لبّسك دبله وسلسال
قولي عليهم وابشري بي عليهم
كذاب من قال الهوى لعبة عيال
تجملي قدامهم واقهريهم
مدامك تعيشين في قلب رجال
من دونك يوقّف ولا يحتريهم
يرخص لك عيونه قبل يرخص ريال
كلمات شيلة تبسمي
كلمات : فوار الزناتي
أداء : ماجد الرسلاني
توزيع ومكس : أذواق الفن