كلمات شيلة شوقي الطاغي - فلاح المسردي والوليد ال عامر
الليلة همومي على القلب طابور
والضيق زايد والاوادم نيامي
في الصدر مغترّه وفي الراس جمهور
طاروق بين العازمي والزلامي
والنوم كنه يعبر الجفن بفتور
والعين فيها ميسم السهر حامي
تقول في قلبي من الهم ساطور
يضرب عروق القلب والضرب دامي
الي ثلاث سنين واربع من شهور
ليل الفرح عيّا يوافق نظامي
متصنع الضحكة ولاني بمسرور
زادت تفاكيري وزادن آلامي
اغتيلت الفرحة وزاد القهر جور
وانذبحت احلامي بسن الفطامي
لاشيخ عالجني ولا طب دكتور
والناس ما تدري وشنهو علامي
لولا ذكر ربي ليا عتم النور
يمدي مع الايام صرت انهزامي
والغايب اللي راح ماهو بمعذور
مايدري ان الشوق سبّب هيامي
في غيبته حزني مشيدله قصور
في قلبي اللي مايعرف السلامي
روّح وانا صاير من الحزن مكسور
الكسرة اللي وقّعت في العظامي
ماعاد حزني يا حبيبي بمستور
خايف من الدمعة تنزّل مقامي
من شوقي الطاغي بدون ايت شعور
لاوحيت طاريها نسيت الاسامي
الصدر ناعم والخصر حيل مضمور
والرمش حده حد سيفٍ حسامي
العنق فارع والشعر دوم منثور
والريح ريح المسك ورد وخزامي
ياكيف ابنسى ياعرب غادة الحور
انشهد ان الهجر سبّب حطامي
من يوم شفته فاللقاء شبه مجبور
حسيت بوداعه ومسك الختامي
ماجور يا قلبي من الحزن ماجور
ماجاب درب الحب كود المضامي
أتعمد النسيان وبلعب الدور
لو ان هالنسيان شبه انعدامي
كلمات أغنية شوقي الطاغي
كلمات : فهيد حجاب الشيباني
اداء : الوليد العامر وفلاح المسردي
توزيع ومكس : احمد حبيب