كلمات اغنية صاحبي صاحبي يا ابن قلبي - مصطفى الدجوي
عيب يا صحبي تبقا مني
ومع غيري تتكلم عني
مهو لو مش عارف يسترجل
انا الرجوله هعرفهالو
مطروش يا وحوش
تربته معايا متجوش
مزجانجي اكشنجي
انا حوت اما انتو قروش
كذا مره بتتحطو معايا
وياما قولتلكو متتحطوش
افرد وشك ليه مكرمشو
لو لسانك دلدل اكلبشو
متفكرش تطير في الهوا
اصل اللي يطير قدامي بنتشو
انا لا بتاع جيم وعضلات
ولا ماشي بحراسه ولا جردات
مايهز شعرت راسي ياعم
لا كتيبه كامله ولا بعصابات
يا باجحتك يا غلاستك
عارفك يلا مني بتكلك
فوق يا جاحد رقم واحد
عمره ما يشغل باله بسعادتك
انت بتحرق جاز ع الفاضي
وانا دايس بنزين مش شايفك
طب خمسه عليا من الحسد
عمر الديب ما هيسبق اسد
ياعم انا مكبرش لحد
وبسد مهما يزيد العدد
شاب مصحح جسمي سليم
ولا ليا في كيف ولا في حريم
انا مش باكل من دخلاتكو
عشان شغل الدخلات ده قديم
يا ابو عمو يا ابو خالو
والنبي خدها ابعتهالو
روح قول للاصفر يسلك
ويفوق حبه ويظبط حالو
مهو لو مش عارف يسترجل
انا الرجوله هعرفهالو
ياللي النسوان بتغفلك
وتفلس فيك وتقلبك
اول ما بترفع شبشبها
انت تشوف رنتها بترعبك
ياض مش مكسوف من منظرك
اعرف رجاله تقدرك
ده اللي يشيل في خشبتك اجدع
من اي حريم هتصغرك
بت انتي خدي اقولك
مهما روحتي وجيتي مش هحلك
ليل نهار قاعد في الشارع
عشان اكعبل فيكي وازاولك
بسكوتايه محشيه نوتيله
من يوم ماشوفتك وانا بشتقلك
خدي يا غزال انا ليا الهوا
اه يا زلزال ده انا قلبي استوه
ازاي كل بنات القاره
يتقارنو بيكي ده مفيش مستوى
مش معجب لأ جاي شاريكي
ده انا اخصم دوله لمعاليكي
لو تطلبي نجمه من السما
يا عيوني الغالي هيرخص ليكي
عيب يا صحبي تبقا مني
ومع غيري تتكلم عني
اصل واصل وانت عاطل
عشان كده يلا مش حاببني
لما بتسمع اسم الدجوى
في قاعده بتمشي وتطلع تجري
اسمعي يا رخيصه بعرفك
ده انا على ايدي كنت منضفك
تتسيطي لما تجيبي اسمي
مانا كده كده سيرتي تشرفك
من رجلى انتي متتقلعيش
لاتفكري غيرك ده مفيش
بتحكيها في مين يا عبيطه
فوقي انا اصلا معرفكيش
صاحبي صاحبي يا ابن قلبي
انت نصي التاني وربي
اللي بينا مش قليل
اوعا يا زميلي تبعد عني
انت اخويا وعم عيالي
بعشقك وغلاوت امي
قلبنا على بعض ومطاريش
برجوله وجدعنه بنعيش
مابيفرقش معانا ياعم
بقلب نودي ومنجليش
يا ابو الاصول اسمك يُعتمد
مليش غيرك وعليك بتسند
انت اللي انا ميزتك عنهم
اخوك في ضهرك يا عم البلد
كلمات أغنية صاحبي صاحبي يا ابن قلبي
مهرجان: صاحبي صاحبي يا ابن قلبي
غناء: مصطفى الدجوي
كلمات: موزه الجارح
توزيع: حمودي ريمكس