كلمات اغنية ما طلعتش جدع - رامي جمال
كنت عارف، قبل ما امشي
إني سايبك للوجع
والأكيد هتقولي عني
إني ما اطلعتش جدع
بس لو فكّرتي فيها
هتلاقيها لمصلحتنا
في حاجات سكتها صعبة
بس هتودي لراحتنا
بينّا وعد عليه بدأنا
كنت ناوي أكمله
بالخلاف ضاع اتفاقنا
والقلوب اتبدلوا
يعني لو كملنا تاني
يبقى هنضيع حياتنا
في حاجات سكتها صعبة
بس هتودي لراحتنا
اللي عايزك تعرفيه وتصدقيني
اني زيك في الوجع أو يمكن أكتر
بكره لما تفوقي مني هاتشكريني
في حاجات نهايتها مكسب مهما نخسر
المهم أنا وانتي نمشي
واحنا راضيين بخسارتنا
في حاجات سكتها صعبة
بس هتودي لراحتنا
كلمات أغنية ما طلعتش جدع
كلمات : أحمد المالكي
ألحان : بلال سرور
توزيع : أحمد أمين
مكس وماستر : أحمد أمين