كلمات شيلة ملك عمري - الوليد ال عامر
ليا نسنس نسيم الليل والقمرا تجلت لين
دنت صوب المغيب ونقّضت في صدري أحزانه
على مركاي وأسامر هدوءه والعرب ممسين
تلاحيني هواجيس الضمير وفيض وجدانه
سبح فكري ودارت ذكرياته في ثلاث سنين
تبسم خاطري وأزهر ضميرٍ يبست أغصانه
لياليها سعاده وابتساماتٍ تسر العين
غدق قلبي هواها والمحاني منه رويانه
على اللي حبه وقدره على ذمة محبه دين
تغني له بنات الفكر وتكوسر له ألحانه
ملك عمري بطبعٍ فارق وخلق وجناب زين
يا لين ان كل غالي يرخص ان سقته على شانه
طويل معنق وخصر دقيق ماوصل شبرين
وطولٍ فارع وعين أشقرٍ لا هد جنحانه
هنوف مشيها يقسم تبختار الغنج نصفين
جمال طاغي ولا تثني عود ريانه
فطم قلبي وعيفه العذارا لي نهار الدين
وحياةٍ في الهوى من دون قربه مالها خانه
يشين الوقت وان زانت ظروفه يجمع الحيين
سقى الله ساعةٍ فيها قلوب الحب ولهانه
وعسى غر السحايب فوق داره كل وقت وحين
ينشي رايحه والصبح يبدي تحت هتانه
كلمات شيلة ملك عمري
كلمات : محمد الحبابي
أداء : الوليد ال عامر