كلمات شيلة ليل المواجع - حمد الطويل
سايرت وقتي ومشّاني على طوعه
وظروف الايام عيت لا تسايرني
جاورت الاحلام والاحزان واللوعه
وشلون اجاور سعيدٍ ما يجاورني
مديت كفي وجتني منك مقطوعه
وكسرت نفسي بعد ما كنت تجبرني
الين صارت عيوني فيك مفجوعه
ليتك قطعت الظنون اللي تساورني
والكلمه اللي تجيني منك مسموعه
والنظره اللي تجيني منك تسحرني
والغلطه اللي منك ماهي بمشروعه
سامحت نفسك بعذرٍ ما يبررني
وصارت دروب المواصل معك مقطوعه
والرجل في جيتك عثرا وتعثرني
وصارت كبار الهقاوي فيك ممنوعه
وصار الملاذ اللي يجمعني يبعثرني
ليل المواجع يسامرني على كوعه
من بعد ما كنت في ليلي تسامرني
أودعت الاحلام مكسوره ومجبوعه
وعلى موادعك ما به ما يصبرني
كلمات شيلة ليل المواجع
كلمات : قاف
الحان واداء : حمد الطويل