كلمات اغنية لينا معاد - تامر حسني
هسيب الايام
تثبتلك لما تروح وتغيب
على ايه ياحبيبي هنتعاتب
ما خلاص هنسيب
ومسير الدنيا هتجمعنا
من تاني أكيد
كفايه كلام
وخلي حبيبي فراقنا يليق
بسنين عيشناها بتفاصيلها
بين فرح وضيق
وهتفضل دايماً على بالنا
حتى واحنا بعيد
لينا معاد نتقابل فيه
بعد اما نحاول واحنا بعاد
وهنحكي ازاي عدينا
بكل دقيقه فراق
وهتعرف ان ليالي البعد
مش مستاهله عناد
شايفك قدام
وانت بتتأكد من اني اتظلمت
وندمان انك صدقت وعليا حكمت
وبقولك من دلوقتي مسامحك عارف ليه
انت ماكنتش بالنسبالي
حب عادي عشت معاه
ده انا علمتك الدنيا
كنت معاك اسلوب حياه
شوف رغم ان انت اللي واجعني
لسه باقي عليك
لينا معاد نتقابل فيه
بعد اما نحاول واحنا بعاد
وهنحكي ازاي عدينا
بكل دقيقه فراق
وهتعرف ان ليالي البعد
مش مستاهله عناد
كلمات أغنية لينا معاد
كلمات: تامر حسني وشريف مكاوي
ألحان وتوزيع وميكساج: شريف مكاوي
ماسترينغ: علي فتح الله