كلمات مهرجان هصاحب ديابه - حمو بيكا واسلام كابونجا
أيوة، أيوة، أيوة
أنا جبت آخري يا زمن بتحك
وأنا الهم في بالي تارس
أنا قربت أعيش في الجبل
وأصاحب ذئاب وانسى البشر خالص
أنا جبت آخري يا زمن بتحك
وأنا الهم في بالي تارس
قربت أعيش في الجبل
وأصاحب ذئاب وانسى البشر خالص
كل لما أقول ده أصيل
أطلع أنا اللي أصيل دولا سبارس
عمال أشيل في هموم
متشاطة فيا كإن أنا حارس
أنا ع الثبات وانتو خسرتم
يا اللي معايا أنا قصّرتم
تسيبوني وحدي بفكركم
أنا قدها بطولي ما بينكم
الشدة شدّت عذرتني
وصحبة منسحبة سابتني
وثقتي فيا دي قوّتني
أنا طول ما روحي فيا ههينكم
الدنيا لما بتقسى
بتكشف الأندال على حقيقتهم
ولما عقلنا يقسى
بتقسى تاني علشان نفوق منهم
محتاج في زمنك ترسى
لازم تكون فايق لتمثيلهم
صدقني هتلاقي مرسى
أول ما تبعد وتنسى أماكنهم
عاملين عصابة وانتو غلابة
والله ما هعوز أتغابى
تمن خراطيش وسحابة
هخرمكم يا أحلى وحوش
أسهل حاجة المشاكل
المفتري مسيره يتاكل
بقدر وبعفي عشان راجل
الناس بيقدروا ما بيعفوش
من بعد ما قامت ثورة
وأنا بقول يا غربة شديني
الناس بقت مسعورة
وكله face to face شايفه بعيني
مبدأ وماشيين بيه
اللي على الإيد واكل يا زميلي
غلبان مالكش معيشة
عشان تعيش امشي بسلاح ميري
أشبال بقم مافيا في ناصية
ما بقاش في أندية في أكاسيا
طموحنا أسلحة من روسيا
ونخرّموا بيها بعضينا
هقول حلال مش هيكفي
وسط الشمال أعيش متوفي
هقول شمال كله في صفي
ده قانون وموضة في أراضينا
ده قانون وموضة في أراضينا
عملت اللي عليا
ويمكن أزيد من اللي جه في بالي
من أجل تبقي عشاني
بس اللي منك بيدمروا حالي
عاوزيني أنا يوماتي تايه
عشان ما تبقيش عشاني أم عيالي
فضلم ورايا و وراكي
لحد ما اتفرقنا يا نور عيني
فضلم ورايا و وراكي
لحد ما تفرقنا يا نور عيني
أنا كنت فاكرك ناسياني
لما إتلاقيتي في واحد تاني
أتاريكي دايمًا فاكراني
وغصب عنك سايباني
سبتيني علشان ترضيهم
اللي شافوني عالة عليهم
وقفوا قصادي أصلي قاريهم
يا رب اللي دوقته يجي عليهم
اوعاك في يوم تتخدع في كلام أونطة
فوق البشر قادرة
علشان تعاشر جدع
لازم تشوف أفعاله في الشدة
مش كل من قال وعد ده بيوفي بيه
إفهم بقى يا فردة
قبلك كتير وعدوني من أجل مصالحهم
دي عيال فاجرة
قبلك كتير وعدوني من أجل مصالحهم
دي عيال فاجرة
ما تقولش طيبة وحنية
وسط اللي خانوا الأخوية
ما أعرفش آمن إلا عينيا
الهري في الهوا ما أحبوش
اللي بشوفه ده اللي بآمنه
مهما سمعت ما فيش منه
تعرف فلان اسمع عنه
عاشرته يبقى ما تعرفهوش
كلمات مهرجان هصاحب ديابه
كلمات: شمس الناسف
ألحان: حمودي ريمكس – فيجو الدخلاوي
توزيع: فيجو الدخلاوي وحمودي ريمكس