كلمات اغنية حالتي والشوق - يوسف الشهري
رحت عنك وشوقي اللي بقلبي ما استراح
كم رقى ذكرى وكم له من الذكرى هوي
حالتي والشوق ياخل مابين الجراح
جلويٍ من عنا الحب طايح بجلوي
كم تغنى يوم شعرك تلاعبه الرياح
وكم تعنى والهجر يلوي ذراعه لوي
وجهك اللي لو تجلى ملى الدنيا صباح
وكفك اللي لو تسلى طوى العالم طوي
ولعيونك ياعيون المها جد ومزاح
كم تهزّل عاقل وكم تعدّل فوضوي
من ضحكتي للمقادير فليت الجناح
ما حسبت حساب الأقدار لو ما تستوي
والله اني بين عقدك وعنقك والوشاح
عطر ما يضمى لوصلك ولاهو يرتوي
هذي الدنيا وكم من خطا ماله سماح
للهوى كم ناح ورقا وكم ذيب يعوي
ودي ان اللي يمدلك بغيابي الرماح
يوم ترميني بها لا حضر مثلك قوي
كلمات أغنية حالتي والشوق
ألحان وغناء : يوسف الشهري
كلمات : أبو همام
توزيع : أحمد العسال
مكساج : عبدالرحمن الشهري