كلمات اغنية دلعها منير زايد

كلمات اغنية دلعها - منير زايد

الدنيا تحب نعيشها
والرك على التركيبة
فينا اللي بورد فارشها
وفينا اللي سايبها كئيبة
روّق نفسك دلعها
وافرح وارقص ولّعها
الدنيا دي عايزة لعيبة

كتّر أفراح عالآخر
وانسى همومك من بابها
عيش واحلم يلا وسافر
حب الايام تكسبها
اعمل للفرح اقامة
كبّر مش طالبة دراما
عيش وانت تدوق مكسبها

اضحك للناس تضحكلك
الضحكة تكونلك عادة
بالضحكة تحل مشاكلك
تقلب دنيتنا سعادة
دنيتنا مصيرها فإيدنا
لو نعرف ايه بيسعدنا
ونكتر منه زيادة

الدنيا جميلة بناسنا
واللي هيتعبنا يسيبنا
معمولة كدا على مقاسنا
بأصحابنا بقى وحبايبنا
مش عايزين ناس قلابة
ولا حزن وجو كئابة
عاوزين بس اللي حاببنا

من الهم نريح بالنا
نبدأ يلا من الليلة
بإيدينا نغير حالنا
نرقص نعمل هليلة
نقفل حسابات مفتوحة
ونهدِّي قلوب مجروحة
ونشيل مع بعض الشيلة

كلمات : احمد حسن راؤول
الحان : سامر ابو طالب
توزيع : يوسف حسين