كلمات شيلة نسمة أيلول - فايز الدوسري
يا جميله هذه الدنيا ورحلتها طويله
كم تخلينا عن احلام وتجرعنا مرارة
احسب ان الوقت يضحك والزمن ما فيه ميله
لين شفت النار شبت والسبب قدحة شراره
ابتسم واضحك وصدري كن جوفه في مليله
ما وقف بيني وبين الانكسار الا النعاره
واقف براس الجبل وان طحت في الطيحه ثقيله
ما معي الا اني اوقف والعلم رفرف شعاره
يا جميله يوم اطالع والتفت لك يا جميله
والله اني استمد القوه بعزم وجساره
ايه انا اعظم رجل تاقف خلفه انسانة نبيلة
ما يحرك موقفي صفق الهوا وحذف الحجاره
فيك اشوف العنفوان وغطرسة مهرٍ اصيلة
ما غلبك الا حياك اللي يزيدك من وقاره
اضحكي يا جعل تفداك الكثيره والقليله
اضحكي يا نسمة ايلول الشهيرة في نهاره
لا يعنيك الحزن والهم دونك برتكيله
والله انك في ذرى وجهي واسوق الك البشارة
كله ولا تذرف الدمعه من العين الكحيله
انتِ عيونك تدلل والطلب رهن الاشارة
اعتزيبي والله اني خل يوفي مع خليله
انتحاريٍ يسوق العمر لعيونك خساره
مستعد احارب الدنيا قبيله مع قبيله
واقف بوجه الزمن واهاجمه غاره وغاره
سعر كليب ابن وائل حرب العيون الجليله
مات منها التبع اللي ساد حكمه في دياره
حامي الذمه كليب اول ملك يسود جيله
في جبل خزاز فض جموع كندا وشب ناره
من روايات العرب واخبارهم ذيك المهيله
شيٍ يثير الفخر ويرد للمجد اعتباره
الاصالة والمكارم والشجاعة والفضيلة
والوفا والجار ما يدرق على غرّات جاره
تكرم سبالي عن دروب الردا ولا الفشيله
سمعتي بيضا وثياب العز ما هي مستعاره
افخري بي وافخري فابوك وافخر بالعقيله
فوق كل الغيد قلبي يهتدي لك يا مناره
لاح براق الخيال وشب في عرض المخيله
وانتشى الشعر الحقيقي من ضميري واستثاره
من يلوم ابن الملوح قيس يوم يحب ليله
وش شعوره بعد شاف الكعبه وطاف الزياره
قالوا اطلب ربك ان العشق من قلبك يزيله
قال بل زدني لها عشق وتعلق بالستاره
ما قدر يصبر على الفرقا ولا في يديه حيله
ورد الروح الهلاك اللي نجم عنه انكساره
وانتي يا العد القراح اللي شربته سلسبيله
شربةٍ منه شفا زمزم طهورٍ من طهاره
كل دربٍ ينتهي لك اسلكه بأية وسيله
منك غيبة يوم بعتبره حلم طال انتظاره
كلمات شيلة نسمة أيلول
كلمات : أحمد عبدالله الميموني
اداء : فايز الدوسري
مكس وتوزيع : أيمن مخاوي