كلمات اغنية اشتياق الناي - شاكر ابراهيم
بعد طول المواصل والشعور وفرحتي وبكاي
تعبت اتبع ورا اوهام السراب اللي علي تطري
احبك غصب عن قلبي ولكن ما بقى لي راي
ظروف الوقت حدّتني على التوديع من بدري
احبك يا عسى ربي يصبّرني على بلواي
ثقيلة حيل لحظات الموادع يا بعد عمري
بروح اليوم أنا كلّي مثل ما جيتك مْن أقصاي
طريقي مو هذاك اللي على خبرك ولا خبري
فمان الذكريات اللي بتملى عمرك اللي جاي
فمان احلى عمر عشته معاك ان كان ما تدري
فمان الصبح ودروب الأماني يوم أنا دعواي
عسى الله لا يفرّقنا ولا يمحيك من ذكري
فمان الليل واحلام الوصال وبالك النسّاي
وسواليف السهر وعتابك اللي يتبعه عذري
فمان البعد واحزان الأغاني واشتياق الناي
فمان الله يا اعذب طعنةٍ مركوزه بصدري
مع الأيام تستوعب خسارة مثلي وشرواي
أنا اللي لا رحلت تبيّن الدنيا كبر قدري
كلمات أغنية اشتياق الناي
كلمات: فيصل القاضي
الحان: وافي
توزيع: ياسر ماجد