كلمات قصيدة ليلة فرح - حاتم العبدالله
ليلة فرح ليلة سعادة وبشره
وهب النسيم وفاح طيبه وعطره
عريسنه الغالي الگلب منتظره
الكون ابتهج بأنواره
عاجل نزل امر السما بمضمونه
الفرحة العظيمة الطاهرة الميمونة
زوج علي من فاطمة المصيونة
رب العرش مختاره
لا اله الا الله
لا اله الا الله
ألف الصلاة على النبي وآله
نور الأمير بوجهه يتلاله
حيدر واضحة ارسومه
الفرحة بعينه مرسومة
مولانا
الله اختاره للزهرة
يمشي بطوعه وبآمره
بإيمانه
لا اله الا الله
لا اله الا الله
ألف الصلاة على النبي وآله
نور الأمير بوجهه يتلاله
طير المحبة يرفرف بجنحانه
واتعنه دار الوصي وعاف اغصانه
بسم الزجية وعلي كل ألحانه
وصوت الفرح بأنغامه
سبحان رب العرش صاغ وصور
جاب الكمال وعفته يم حيدر
بهذا الزواج الكون كله اتغير
اطهر نسب وعمامه
لا اله الا الله
لا اله الا الله
ألف الصلاة على النبي وآله
نور الأمير بوجهه يتلاله
فرحة من العمر كبره
حيدر صارت الزهرة
أم بيته
نورين الله جامعهم
طاهر صافي مرضعهم
واليته
لا اله الا الله
لا اله الا الله
ألف الصلاة على النبي وآله
نور الأمير بوجهه يتلاله
مختلفة عن كل الليالي الليله
حيدر علي يزفه النبي ويدعيله
وجبريل يم المصطفى يهنيله
وكلها بعلي فرحانة
ماكو اغلى من فاطمة الزهرة الدرة
سر النبي وسلم الحيدر سره
وانطاه الزهرة البيهه يشرح صدره
بشوفته يجلي احزانه
لا اله الا الله
لا اله الا الله
ألف الصلاة على النبي وآله
نور الأمير بوجهه يتلاله
املاك السمه تزوره
وبهل الفرحة مسرورة
للغالي
ماكو من العشك أجمل
حبنه لحيدر الأول
للتالي
لا اله الا الله
لا اله الا الله
ألف الصلاة على النبي وآله
نور الأمير بوجهه يتلاله
كلمات قصيدة ليلة فرح
أداء: ملا حاتم العبدالله
كلمات الشاعر: محمد هادي العقابي
لتوزيع: علي ميرزا