كلمات اغنية تمنيته عمر - يوسف الشهري
يا ليالي عمري المتبقيه دوري ولفي
الزمن عيا لا ينصفني وانا مرفوع هامه
ليت عندي قدرة امسح خيبة أمالي بكفي
مثل ما أمسح دمعة عيوني من اطراف العمامة
كنت ما اخاف الليال السود لو تبحث ملفي
وصار يربكني عليل النسمه وصوت الحمامة
المحبه تالي الأيام صارت ما توفي
لا تمادت ضحّت بما عندها حتى الكرامه
آه يا حلم الحياه اللي تنامى تحت ظفي
وآه يا حبٍ تمنيته عمر مادار عامه
من بعد فرقاه قلبي عايش وشبه متوفي
مالقيت اللي يحررني من إحساس انهزامه
الفرح صاير عدوي والحزن واقف بصفي
الوحيد اللي مخجلني على كثر اهتمامه
كل ما شفته تراحيبه تراحيب متحفي
ما يخليني بفالي لين يذبح لي كرامة
يا حبيبي والكلام اللي ورى البال متخفي
اسمعه لو انك تخفيه خلف الابتسامه
لو لسانك ماتكلم نظرة عيونك تكفي
ماتخون العاشق عيونه لو يخونه كلامه
كيف أبسري واتشافى عن هوى بالي وشفي
والمساري موحشة والليل ما يرحم ظلامه
الطواري والسهر والليل والحب المقفي
مستحيل تحاصر الواحد ويطلع بالسلامه
كلمات أغنية تمنيته عمر
ألحان وأداء : يوسف الشهري
كلمات : فارس عمر
توزيع : ميرو
مكساج : عبدالرحمن الشهري