كلمات اغنية سواد - T.M.X
الدنيا قتلت كلشي فيني صفيت كئيب
صعب اضحك صعب ابكي عن امي صفيت غريب
مالي مؤمن بالعدالة رغم القسمة والنصيب
سلسلة احداث بتهوي كبست هالشهر عصيب
خسرت كلشي والصاحب لليوم بالحبس نزيل
سمعت كتير قصص بتأسي والسيناريو مستحيل
بحاول اكتب دايماً فضي بلكي الهم عني بزيح
لا تسألني كيفك من ملامحي مش منيح
بس لأني فاهم كلشي تعبت الذكاء مش مريح
كل تفصيل بصير قدامي كاشفو وفر التوضيح
تلت رباع الناس خسرتا يمكن بس لاني صريح
مافي داعي لغلطة تانية من اول غلطة بتطيح
والناس ناطرة ذلة وانا تعبت ساير
عم مشي ع حساب حالي حالي شو شال خساير
فواتير طيبة القلب وين ما بتلفت مصايب
ما بين السطور معاني فلا تسال شو اللي صاير
بتعاطى صرت الالم قلبي كم مرة انهزم
رد تاني واعطي فرصة بقلب ميت وجه ابتسم
انا اللي عشت الفلم انا اللي دبحني الندم
ما طلعت من تحت الصفر يلي متلي من العدم
طلع ما وقفت ع رجلي الا لما داخلي انهزم
ما كسرني شي قد ما كسرني الوطن لما انقسم
احتقرت الخطة B وطريقنا يلي انرسم
ما صفى جواتنا شي حرفياً كلشي انكسر
حرفياً كلشي انكسر
ما عاد بهمني حدا صارت الدنيي سواد
قرفت شكلي قرفت صوتي قرفت كل العباد
يعطيكي العافية كلشي احترق كلشي بينا مات
كلشي شايفو ابيض واسود وانا بمرحلة الشتات
بدعي ربي عالثبات زمن موبقات
وكل علاقة فاشلة فتتا صارت بسلة المهملات
وكل مصيبة اجت بخطك هي من ربك علامات
لحتى تآمن يا صديقي لابد من اصابات
لابد تقوي قلبك انت بزمن عصابات
لو رفيقي ليش لجربك يوم تصفية الحسابات
اضطرابات بداخلي عم بسمع الف صوت
عم بلعب بس مصاب ناطر صافرة نهاية الشوط
بوسط الليل تحاكي ربك لما الصبر يخلص
والحمل عليك يزيد والحسبة كل مالا تنقص
ياربي شلت فوق طاقتي يارب المحنة تخلص
يارب البشر توفي ومتل ما عاملنا تخلص
مين انتو حتى تجو تحكو تأولو عليي هيك
مين انتو حتى ترمو عليي حكي ولك عيب
ألفتو عليي سيناريوهات ضليتني ساكت ما حكيت
لأن آخر همي رضا الناس وكيف بتطلع عليك
انا مالي فيك امشي شيل ركز باللي بين ايديك
لانو عالحالتين مقصر ولو من لحمك عطيت
للبشر واهب نفسك ولربك ما صليت
ما استحيت لو فيهم خير صدقني ما تخليت
اي والله ما تخليت