كلمات اغنية بنت العود - الوليد ال عامر
على ربّك كبار الهقاوي يا بنت العود
اله خلقنا تحت حكمه وتدبيره
ينام اللي مقضّي حياته سهود مهود
ودونه لدرب الهم لفّه وتدويره
ماغيّبته كفوف الليالي وهو موجود
ولا يوم اخذته ضيقة عصير تقزيره
ما حارب بسيف الصبر جيش العنا المحشود
ولا كبّل ايديه احتياجه وتقصيره
مازادت جروحه دمعة العاجز المضهود
ولا ضحكة الاطفال قامت بتخديره
ياجعله فدا راسٍ لاهبّت هبوب النود
يدير انتباه الكون لادار تفكيره
عليه ان تداعن مفحمات الرجال وفود
من عيونها ياخذ مقامه وتقديره
وجعلي فدا كلمة عتب ثغرك القرهود
ووجهٍ قميص الليل قِدّ قدّ ازاريره
فدا اللي مزج بين الخزامى ودهن العود
بريقه جعل صُناع الالماس في حيره
وربّ الجمال اليوسفي والعيون السود
وربّ ارجوازيّ المعزّل وتاثيره
لاداري على صيتك من العيب والمنقود
واحنّك ماحنّ الغصن الاخضر عصافيره
واجود لك جود اكرم كريمٍ يحبّ الجود
واحفظك مثل حفظ البخيل لدنانيره
واغنّيك مع كلّ معزوفه ودقّة عود
واحصّنك مع كل تْهليله وتكبيره
ومنزل غلا العود الابو لآخر العنقود
ل يِعجز غلاك مفوّه الشعر تعبيره
يفجّ لك قلبٍ بابه عن العرب مسدود
وسيره ماهب سيرتك بنفضّها سيره
لاجتك المشاعر جمْر كنتي لها الكمبود
واذا ضاق وجه الشوق كنتي تباشيره
لاجيتك ثراً ممحل تعالي حمار ورود
كما خدّ نجد وقحيوانه ونوّيره
لاجيتيني وانتي نجد جيتك وانا ابن سعود
عليك الامان من الزمان ومقاديره
لاجيتيني وانتي نجد جيتك وانا ابن سعود
عليك الامان من الزمان ومقاديره
تهاديّ على عنان السما واطمعي بالزود
وعيشي وطن مستبشر برؤية آميره
ولا طال الغياب وقام صمت العتاب يسود
وصرنا نخاف من الكلام ومحاذيره
واخذني من اسقف عسجدك حلمي المنشود
تهندم طموحي واشغل البال تاخيره
وسقت القدم لاجل العلا باذل المجهوود
اذا اصبحت في ديره واذا امسيت في ديره
لاقالو يا بن هذال وين اللقاء الموعود
مالي دربٍ الاّ تنتهي لك مشاويره
ماكنتي سوا كل شي والقصد والمقصود
ومغزى التعب واصل النجاح وجماهيره
انا اعرف غرامك ما طمع به قليل الفود
ولا حاملٍ مسكه ولا نافخٍ كيره
لكن ما عرفت انّ الهوى صخره الجلمود
مطيحه يطيح بدمعة العين الآخيره
خطاي اني ما ارسم للزعل كل يوم حدود
الين الرضا ماعاد تِقبل معاذيره
وخطا قلبك انّه ماعشق في النشاما كود
من يموت ولا يعيش مثله مثل غيره
وخطا قلبك انّه ما عشق في النشاما كود
من يموت ولا يعيش مثله مثل غيره
كلمات أغنية بنت العود
كلمات : عمر بن هذال
أداء : الوليد ال عامر