كلمات اغنية أعملها إزاي - كريم محسن
ياللي عشت بتوعدني بحاجات
بس غيبت وسيبتلي ذكريات
للنهارده أنا باصص ع اللي فات
ولا شايف جاي
كل يوم عيشناه يتعاد بمين
محتاج لعلاج يشفي الحنين
حسبة النسيان تاخد سنين
واعملها إزاي
وياريت لو كنت ليك غالي
وهامّك لسه إيه حالي
تبطل بُعد دا أنا بعدك مليش
بشوفني لوحدي من غيرك
في دنيا مليانه بغيرك
لكن اياً ما كان فيها ميلزمنيش
كل يوم والتاني بقول أكيد
الظروف شاغلاك واخداك بعيد
أصل ظني بخاف يطلع أكيد
وتكون حبيت
كان ما بينا ميسكتش الكلام
والنهارده مفيش بينا السلام
لو بخير أنا فعلا مش تمام
من يوم ما مشيت
وياريت لو كنت ليك غالي
وهامّك لسه إيه حالي
تبطل بُعد دا أنا بعدك مليش
بشوفني لوحدي من غيرك
في دنيا مليانه بغيرك
لكن اياً ما كان فيها ميلزمنيش
كلمات أغنية أعملها إزاي
كلمات: أحمد العزب
ألحان: كامل الجندي
توزيع : عمر الإمام
ميكساج وماسترينج: محمد ياسر