انتظرتك
بدر بنيدركلمات اغنية انتظرتك - بدر بنيدر
جيتني بعد الغياب وهنّ قلبي بالسلامهباتقاضى عن هزايمنا القديمه بانتصاري
انتظرتك قبل تاتي عند بيبان الملامه
كيف تسرقني وانا من غيبتك ما خذت ثاري
في مجيّك تضحك الدوحة على غيم المنامه
وادهرت نجد العذية وازهرت جرد الصحاري
العذر يا معشر العقال ما فيها ملامه
ليه ارد القلب عن مشهاه دام الدرب فاري
دورو لي خطّ ما ياقف ولا حوله علامه
والله انه ما يفرج خاطري غير المساري
يا رهيف العود لو حبك رفيعٍ في مقامه
المسافه راودتني والمقابيل اختباري
جابتك دعوة فقيرٍ بين اذان وبين اقامه
بخت قلبي فيك يا من قربك يرد اعتباري
من حضى بمقابلك تمطر على قلبه غمامه
كيف لو يمسك يدينك والغلا يذريه ذاري
ليت عيني في مشاعرنا مثل زرقا اليمامه
واعرف اللي ينتظرني من بعد طول انتظاري
مرّ صوب اللي يحبك صدق يا ظبي العدامه
لو تغيب الشمس ما غاب لهوى طاريك طاري
شمت عن غيرك وانا اللي وده انه فيك شامه
لاذت بوجهٍ يسد الليل ويزيل الغداري
كل ما شفتك تبسم لي هذيك الابتسامه
معركة دقات قلبي معركة ذات الصواري
انت صوتك لا سمعته ودي اذبح له كرامه
كيف لا واجهتني وعيونك تزيد انبهاري
وانت زينك تتفق فيه العيون المستهامه
يا حديثٍ لا هو لمسلم ولا هو للبخاري
وانت وجهك كل ما شفته تذكرت الزعامه
جلّ شان اللي جعل للهيبة بوجهك مواري
ايه احبك من بداية حبك ليوم القيامه
ودي لو مره احب الحاجه اللي باختياري