القبال العذب
فايز الدوسريكلمات اغنية القبال العذب - فايز الدوسري
يا حبيبي ما هو بكل العتاب من الملامالمعاتب من حبيبك لا تشوفه ثرثره
النوايا تختلف واللي يبيّنها الكلام
والرجال صدورها ما تشبه إلا المقبره
كنّها عد رديم حوله كبود حيام
والسنتها هي رشاها وما خفى بتظهره
بين أحاسيس الغرام وما بصدري من زحام
السؤال اللي تركني طول ليلي أسهره
كيف يهني لك منام وعين خلّك ما تنام
كيف ما تدري شعور الشوق فيني ما أكبده
ما دريت إن خافقي ما هو يحب الانهزام
كم طعنه وسطه ولا حرّكت فيه شعره
كم هزمت من الخصوم وكم كسرت من السهام
غير سهم عيونك اللي صابني كيف أكسره
السهوم مورّدات صويبها حوض الحمام
وانت سهمك شفت من بعده حياة مزهره
تزهل ورودٍ بدربك حتى لو دربك حطام
الغريب إن البسيطه لا وطاها تشكره
من عرفتك ما عرفت إلا الفرح والابتسام
وين ما تمشي تربّع كل قاع مقفده
يا نحر خشف جفون يا عذاب المستهام
يا عيون الحر الأشقر يا فرس متبختره
يا القبال العذب ياللي لك سنا يجلي الظلام
والله إن مالك مثيل إلا انعكاس المنظره
الشعر ذيل الأصيلة تحت ردفك بالتمام
وكن خصرك مزهرية والبطن ياما أضمره
شفتك لو شافها المفتي علينا بالحرام
كان ضيّع من بعد فتوه علمه وخبره
دونك شيوخ زحول مروية حد الحسام
من صناديد الرجال اللي سيرها معطره
أشهد إنّك شف قلبي بين غايات المرام
كل غالي لجل رمشك يا حبيبي ما أذخره
حبّي اللي ما تنكر لو يمرّ الفين عام
قصةٍ تحكى مثل ما حبّ عبله عنتره
وأحسب إنّي في غرامك واصلٍ حد الهيام
وأثره أول مرحله لي وأوّل شعور أشعره
في غيابك ما أقول الا على الدنيا السلام
وفي حضور عيونك وجيه الليالي مسفره