كلمات اغنية انا نفسي ارتاح - نورا
النهارده ابو قلب طيب
تعصره ينزل آهات
واما يشكي من همومه
يحسبوه ضمن العاهات
وانا كل يوم بشوف قصص
وبعيش وبسمع في حكايات
وانا حملي تقيل
مع ذلك برضه انا لسه بقول
الصبر جميل
والحمل ان كان مال بيا
انا برضه أصيل
هتحمل حتى لو الشدة اتقلبت مواويل
حظي انا معكوس
انا احلى مافيا يطوله اليأس
ويضرب بوز
انا حيلتي يدووب عزة نفسي
وعاملة بروز
والدنيا بقت جايه عليا كان انا منبوذ
انا نفسي ارتاح
والهم يسيبني ويبعد عني بقى وينزاح
ولا حضن حنين حسيته الا سابني وراح
حتى الايام اللي بعيشها مفيهاش أفراح
ابعد لمكان
معرفش ابتدي من فين تايه
ومليش عنوان
انا صورة بألوانها الباهته
في برواز احزان
انا زي ما اكون واحد ملبوس
ومخاوي كذا جان
انا ياما قسيت
وقابلت كتير في حياتي جروح
لكن عديت
وشربت المر في شكل يضر اما اتذليت
انا عايش تعبان في الدنيا
من وقت ماجيت
حلمي اني ابان
والدنيا تحن شوية بقى
ويبقالي مكان
وبقول مايهمش كله هيجي لكن بأوان
والفرح اما عرفت طريقه قفل الدكان
انا نفسي ارتاح
والهم يسيبني ويبعد عني بقى وينزاح
ولا حضن حنين حسيته الا سابني وراح
حتى الايام اللي بعيشها مفيهاش أفراح
ابعد لمكان
معرفش ابتدي من فين تايه
ومليش عنوان
انا صورة بألوانها الباهته
في برواز احزان
انا زي ما اكون واحد ملبوس
ومخاوي كذا جان