Ads-Top

كلمات اغنية غريبه طارق الشيخ | Tarek El Sheikh

كلمات أغنية غريبه - طارق الشيخ

غريبة غريبة
في حاجات غريبة بقت جوانا
للأسف الشديد
عن حياة بنعيشها لكن
وليه هنروح بعيد
محدش فينا بقى فاضي للتاني
محدش فينا بقى داري بالتاني
آه بقى داري بالتاني

بقى كل واحد فينا عايش
جوه نفسه لكن وحيد
عنده أهل وناس وعزوة
بس كله خلاص بعيد
ياللي شايفين السعادة من بعيد
ده انتوا قلبتوا المواجع من جديد
في حاجات غريبة

أدي القلوب متفرقه
والناس أهي متبعزأه
بقت خلاص جوه البيوت
زي الحيطان متشققه
بقينا شكل ومنظره
وضحكة طالعة مزورة
حتى خلاص بقت النفوس
هي كمان متغيره
في حاجات غريبة بقت فينا

مبقاش في حاجه مضمونه
ولا ناس عاقله وموزونه
صور عالرف مركونه
أصحابهم بقوا أغراب
ده صحيح البطن قلابه
بتجيب شياطين وغلابه
ما بينهم تركه متسابه
مقفول عليهم باب

الناس معرفش ليه
على طول معانا مركزه
ده يا دوب حياتنا صعبة
وماشيه زي المعجزة
باصين للي في إيدينا
وهو ده اللي يهمهم
قاعدين وبيحسدونا
وقالوا ناس متعززه

وليه الدم معدش يحن
وليه الكل طلعلو انياب
ليه بنحور على بعضينا
وليه الطبع يا ناس غلاب
ليه الدم معدش يحن
وليه الكل طلعلو انياب
ليه بنحور على بعضينا
وليه الطبع يا ناس غلاب
في حاجات غريبة بقت فينا

هموم بالكوم محاوطانا
وناس في دماغها حاطانا
حاجات هي اللي رابطانا
هنهرب نروح على فين
علطول عايشينها بصعوبة
ونبات ودماغنا مقلوبة
ما برده الرحمة مطلوبة
ولا انتوا يا ناس جاحدين

الناس ليها المظاهر واللي ظاهر مننا
مالهمش هما دعوة بأي حاجة تهمنا
النيه الله أعلم باللي فيها وكلنا
يكفينا في النهاية شر نفسنا

ياللي خلاص مش فارقه معاكم
تاكلوا حرام أو تاكلوا حلال
لو عالرزق ما كله بيرزق
عمر الرزق ما كان بالمال
ياللي خلاص مش فارقه معاكم
تاكلوا حرام أو تاكلوا حلال
لو عالرزق ما كله بيرزق
عمر الرزق ما كان بالمال
في حاجات غريبة بقت فينا