Ads-Top

كلمات اغنية عراب السعودية فهد بن فصلا | Fahad Bin Fasla

كلمات أغنية عراب السعودية - فهد بن فصلا

على محمد قولو الحمد لله
على محمد قولو الحمد لله

بعد ما عودت عدوانك على دق الخشوم
الفرس ترخي ظهرها واتعرف خيالها
انت عرّاب السعوديه وعرّاب العموم
للعروبه كلها من جالها لا جالها

يا بلادي يا بلادي
يا بلادي يا بلادي يا عسى عزك يدوم
راية التوحيد خضرا والعرب في ضلالها
من يحبك ينتصر واللي يعاديك مهزوم
البقى لك والعدا في حالةٍ يرثالها

بعد ما عودت عدوانك على دق الخشوم
الفرس ترخي ظهرها واتعرف خيالها
انت عرّاب السعوديه وعرّاب العموم
للعروبه كلها من جالها لا جالها
للعروبه كلها من جالها لا جالها

يا ملكنا كلنا في خدمتك وقت اللزوم
بنت ابن حثلين شعبك كل ابوه عيالها
انت رمز في سما شعبك مقدر ومحشوم
يسلم اللي شال عنك اخفافها وثقالها

قال شعبي مثل ضلع طويق ثابت كل يوم
وشعبه الوافين قد الكلمه اللي قالها
الشبل ولد الاسد حتى ليا شن الهجوم
كسّر انياب السباع اقصارها وطوالها
كسّر انياب السباع اقصارها وطوالها

يا ولي العهد عانقت الكواكب والنجوم
كل خطواتك عظيمه والسعد يبرالها
ابتديت برؤيةٍ عظما وحطمت الرقوم
واستوت نهضت بلادك واعتلا منزالها

من تأمل في مشاريع العلا ولا نيوم
يدري ان بلادنا بين الدول بلحالها
الله اللي خالق راسك لترويض الخصوم
والعواصف ما تحرك غترتك وعقالها
والعواصف ما تحرك غترتك وعقالها

منت متعود على كلمت تريح ومخدوم
انت متعود تقول الكايدات انا لها
بعد ما عودت عدوانك على دق الخشوم
الفرس ترخي ظهرها واتعرف خيالها

انت عرّاب السعوديه وعرّاب العموم
للعروبه كلها من جالها لا جالها
يزهمونه كل ما كبرت وضاعن العلوم
والصعاب اليا عصب راسه شرب فنجالها
والصعاب اليا عصب راسه شرب فنجالها

راحت كفوفه عليهم مثل هتان الغيوم
غيمةٍ يرعد رعدها في حقوق خيالها
صيرميّ خيرة طيور السعد وبعيد حوم
والنوادر تنعرف بفعولها واشكالها

مرتكي مثل الجبل ما بين فرس وبين روم
ازعماهم لجل تقديره تشد ارحالها
ازعماهم لجل تقديره تشد ارحالها