كلمات شيلة يارفيقي خالد ال بريك

كلمات شيلة يارفيقي - خالد ال بريك

السحاب اللي تعدا سراة ابها شمال
جعل وبله يسقي اللي تولع فالجنوب

ديرةٍ ربي عطاها المفاخر والجمال
مستحيل اللي تولع بها عنها يتوب

تلبس من الورد طوقٍ حمر مدري عقال
وتلعب الدمة من الغطرسة وقت الحروب

تستحق التضحية والمعزه والدلال
وتستحق الدم الاحمر لاجا دحم الجنوب

لي سنه ما جيت واليوم نادتني تعال
ويش عذري من هواها ومن غر النصوب

راكب اللي داخلية مثل دم الغزال
لكزسٍ وجهه تحنه من انسام الهبوب

كل من مرة مع الدرب ناظر به وقال
ركبوني معكم ان كان لي معكم ركوب

منوة اللي تاه بين الحقيقة والخيال
مابقى قدام عينه وسيله للهروب

ومنوة اللي في ضميره للأشواق اشتعال
صايرٍ من حرقة الوجد في قلبه ثِقوب

صد عن كيد النساء واشغله كيد الرجال
اثر كيد ضعوف الانفس يفرق له شعوب

يارفيقي لا تزيد القلق والانفعال
كل شي بقدرة الله مقدر ومحسوب

هد بالك كان باقي معك للحين بال
لا يحدك ضيق صدرك على بعض الدروب

صاحبك حاضر معك كل وقت وكل حال
ما يغيب صاحبك غير علاّم الغيوب

ان بغيت الجد تلقاه لا اشتد النزال
وان بغيت اللعب يزحف مع الجو اللعوب

شطر بن جدلان لو نسرقه سرقه حلال
قطرة الماء ما تنقص من العد الجذوب

يارفيقي بعد عمرٍ طويل من النضال
الثقة فالنفس تجعلك واضح ومهيوب

جعلنا ما نعرف الا حميدين الخصال
وجعل حاجتنا ماهي عند سودان القلوب

ذاخرين الوجه الابيض لاجل سود الليال
وحافظين الود لاهل الجمايل والوجوب

ورفقة السراري بريك شيال الثقال
تكرم عن الحسد وعن الشوائب والعيوب

لا وصلنا ابها وصلناه من باب الوصال
مالنا مجناب عن راعي الصدر الرحوب

الرفيق اللي نعده سِلاح وراس مال
وايعزمنا فالخبر ويعزمنا فالجنوب

ذخر عودٍ سمعته تعطي المادح مجال
والكرم راعيه قد قيل للمدحة طروب

علي بن فايز تعلا المراقيب الطوال
موقعه في راس رجمٍ عن الشوف محجوب

شايبٍ في كل قاله ليا من قال طال
مع بني عمه والاجناب وافي ومحبوب

من نصاه يشوف فيه الرحابه والقبال
والعدا في كبودهم يشعل النار الشبوب

موقفه في كل عتق رقبه مضرب مثال
الدراهم عنده تقول ذنب من الذنوب

ما يحسب حساب للي يثيرون الجدال
كل ناجح بشر اعداء نجاحه بالرسوب

اشهد انه كفو وانه ذخر بعده عيال
كل واحد في المواقف عن الثاني ينوب

يستحقون الفناجيل من صفر الدلال
الثنين محاصرين الفخر من كل صوب

عن بريك يجاوب الفعل قدام السؤال
وفي عضيده ياقف المدح والراس معصوب

شد في عبدالله ازره مثل شد الحبال
العضيد اللي يجمل مقامه في الخطوب

حسن راي وعرف مع طيب راس وطيب فال
محزمٍ مليان يكرب لاجا وقت الكروب

من كرم يمناه ما يجلس بجيبه ريال
ودك الخياط ماحط لثيابه جيوب

الكرم طبعه وربعه كريمين السبال
والسطر طبعه وربعه عطيبين الضروب

كل ما لاح اسم شهران في عرض الخيال
شفت والله والنعم نابته مثل العشوب

صيت شهران العريضه مثل شم الجبال
والجبال الصم من فعلهم خطرٍ تذوب

في كنفهم يضحك الوقت ويطول الظلال
وفي رحاهم تطحن الروس مهوب الحبوب

كلمات: عناد الشيباني
أداء: خالد ال بريك