كلمات شيلة تعابير الفرح - فهيد النتيفات

تعابير الفرح صارت تضر الخاطر المكسور
يدور الوقت والدنيا تدور ومالقت جبره

على وضح النقى نمشي ولا نبحث خفى المستور
نوكل امرنا ل لله عليم الحال والدبره

أنا الماضي اردد له، اردد له ترا مشكور
دروسه تعطي الانسان للواقع كذا خبره

صبرنا لين صار الصبر واقف لي على الحنجور
يدوّر من مشاعرنا عيون تهل له عبره

مشاعرنا نخفيها عن العالم بغير شعور
ولكنه يبين اللي تخفى بنظره ونبره

ومع هذا لقينا اللي يشوف انه علينا قصور
يدور عذر ما يلقى، يحط العذر وش كبره

ولكن الامّر اللي يواجهك بفرح وسرور
وهو يخفي السواد اللي تعج بداخله غبره

عرفت اللي عرفته لين ما هذا الزمان يدور
واشوف اللي نفذ صبره، واشوف اللي لقى جبره

كلمات اغنية تعابير الفرح

كلمات : أماني
اداء : فهيد النتيفات
توزيع ومكس : حازم الأبيض