كلمات اغنية هود الليل - زايد بن سابر

كيف أخليك للأيام وانتي حلالي
والمعرّب يموت ولا يخلي حلاله

هوّد الليل في رجم من الناس خالي
اتحرى من انسام الهبايب رساله

عاجز أكذب الواقع وأصدق خيالي
ليه اغني غزل وانا مفارق غزاله

في زمان التشابه في السنين التوالي
الجمال الحقيقي صار كنه جماله

يا عذابي ويا وجدي ويا بري حالي
ماتضاهي عذاب القلب ممّا طراله

غالي الجرح مادامه من يدين غالي
يمكن يكون عله بس ماهو بعاله

يا عذابي ويا وجدي ويا بري حالي
ماتضاهي عذاب القلب ممّا طراله

نصف ديني ربيع أيامي وراس مالي
ظلم غيرك ظلام وظلمك انتي عداله

كن صدرك بعد ماكن صدرك شمالي
غروٍ يضيق لا من لاعب الريح شاله

ارجعي لي ويرجع حالي المر حالي
حالتي من بعد صدتك ماهي بحاله

وكيف أخليك للأيام وانتي حلالي
والمعرّب يموت ولا يخلي حلاله

وكيف ابنساك وطيوفك تساير ظلالي
والله اني لأعيش العمر ماني بداله

انتي أخير ماجابت بطون الليالي
وهني من يعرب فيك منسب عياله

كلمات اغنية هود الليل

كلمات: محمد النشّاق
اداء: زايد بن سابر
توزيع ومكس: م. أحمد حبيب