كلمات اغنية أيقونة الحسن - سالم بن مغيثه
أيقونة الحسن للأشواق برقٍ يلوح
يذكرك قلبي لكن قلبك نسى ما عرف
انك هنا في الحنايا لك مكانه وروح
واني على طلت محياك عمري انصرف
طاريك لا مرني افرح وارحّب وابوح
يقلط بصدري واضمه ما يقلّط طرف
الله وهبك الحلا وأعطاك وجهٍ سموح
وجهٍ به الزين متقلد وسام الشرف
أنا فدا الشامه اللي فوق خد الجموح
والمبسم إليا حكا عذب الكلام انغرف
تدلع بقلبي انت يحق لك وبوضوح
لايق عليك الدلع والغطرسه والترف
لايق عليك الدلع والغطرسه والترف
للحين وأنسام عطرك في الأماكن تفوح
لبيه يا نسمةٍ قلبي معاها انجرف
يا أجمل أيام عمري ذكرياتك جروح
هو من متى صار حبك ذنبي المُقترف
اسمع فؤادي ينادي يا حبيبي لحوح
لا تحرم العاشق اللي في هواك اعترف
تشوفني مرحله عدّت واشوفك طموح
ما اصدق من الكلمه الا الدمع يوم انذرف
جديّة احساسي المرهف ماكانت مزوح
أنا غرامي لغيرك ما انثنى وانحرف
احضني بعينك النجلا وخذني وروح
خذني على قد حبي لا تغض الطرف
خذني على قد حبي لا تغض الطرف
كلمات أغنية أيقونة الحسن
كلمات: فرحان بن ناصر
ألحان: سالم بن مغيثه