كلمات اغنية خيال طيفك - ماجد خضير
سافرت يا اللي وداعك.. شر يا كافي
توقفت فرحة الدنيا بتوقيته
التذكرة والشناط وصوتك الدافي
حملتها معك.. ليه الشوق خلّيته؟
اقفيت واوجست شيٍ خدّر أطرافي
من قلت كلمة فمان الله حسّيته
يرقى من اقدامي لصدري على اكتافي
وانا عليه النسم شلته وحطّيته
وعيني اللي نظرها يكشف الخافي
يبوح بأسرارها من وين لدّيته
لا اسدل عليّ الظلام بثوبه الضافي
قام يتورالي اني صوتك اوحيته
خيال طيفك لا جاني بالدجّى لافي
سلّم عليّ وخامسته وحيّيته
وشلون ما اضيّفه وانا معه وافي
قطعت له من طرف كبدي وعشّيته
حتى لو انه ما جاب البلسم الشافي
من يمنعه لو على جرحي بنى بيته
يا كم تحلّمت بك واصبحت متعافي
منّاني الحلم في وجهٍ تمنّيته
ياروح روحي ومرباعي ومصيافي
قلبي خذيته ولا ادري وين وديته
راضي بما تفعله يا الواصل الجافي
حبّيتك وكلّ شيٍ منك.. حبيّته
راضي بما تفعله يا الواصل الجافي
حبّيتك وكلّ شيٍ منك.. حبيّته
كلمات أغنية خيال طيفك
كلمات : سداح العتيبي
أداء : ماجد خضير
الحان : ماجد خضير