كلمات اغنية فاقد غالي - عبدالله الصخابرة

يا صاحبي يا نزيه القلب والسيره
ياللي بصحبتك لا اساوم ولا ابالي

تقول وجهك علامه يالله الخيره
ماتدري ان نشدتك تثّر على حالي

وجهي تعلّمك باعلومه تعابيره
عنّي تعابير وجهي تشرح احوالي

أنا عليّه زماني حايمٍ طيره
ومن حومته فاقدٍ لي واحدٍ غالي

وامسيت وأنا اردف الونّه بتعميره
كنّ القريفل يكافح وضعي الحالي

واعقلي اللي تضارب فيه تفكيره
واقلبي من اللوعه ماهو خالي

وحزني اللي شعم في خافقي نيره
عز الله انه لذعني ضغطه العالي

من يوم مابرّكتني دونه الحيره
اروح وارجع وانا بأمره يورّالي

وقبل الاطباء تعلمني بتقريره
لعب بخافيّ تقريرٍ على بالي

جيته وشفت المرض وشلون تأثيره
وشرح لي الوضع كامل جسمه البالي

والله لو الموت شاورني على غيره
لااعطيه وارضيه من حالي ومن مالي

لكن مالي بحكم الله وتدبيره
مكتوب واللي وطى الأول وطى التالي

وبعد بدنياه وصل آخر مشاويره
ونزل محلٍ رميت ابه آخر آمالي

قبرٍ معمقتن اركونه حفافيره
وتعذّر امن الفزوع ابعيد واموالي

ياكود فزعتك ياللي قسمتك خيره
يامن برحمتك تبقا له وتبقالي

يالله عسى جنة الفردوس تقديره
كرامةٍ منك يا رحمان يا والي

اكتب له مع الرسول المصطفى جيره
وأسقه من الرهيجان البارد الحالي

وانا تبدّل كسر بقلبي بتجبيره
يارايفٍ بالحوال تروف في حالي

كلمات اغنية فاقد غالي

كلمات: عوض محسن الرشيدي
اداء: عبدالله الصخابرة