كلمات شيلة دماح زله - بدر بنيدر
العذر منك وانا غلطان يا ظبي العدامه
والمشاريه القديمه مالها مذهب ومله
حتى لو إني معك واحد مايدري عن كلامه
ابتعدت مْن الكلام اللي يجي في غير حله
مابقى إلا إني اغني لك على مين الملامه
علة اللي راح عمره بين ليت وبين عله
ازعلي إلا لاقلت إن المحبه لعب دامه
مادمحتي زلتي وانا معك دماح زله
سكري باب المعاتب وافتحي باب الزعامه
والله إن القلب من جيتيه دوله مستقله
بعض الاحيان المشاكل تنتهي بأسباب شامه
وبعض الاحيان المشاكل تنتهي بأسباب طله
يوم ضاعت شامتك بين الفواكه والغمامه
ضعت ضيعة واحدٍ ما يبغي العاقل يدله
انتي الله مدك بحسن التعامل والوسامه
من قبل لامد لك فرده مع فنجال دله
من يشوفك شاف كيف الزهد من غير استقامه
مستقيمه في المبادي بس في عودك لا والله
مال غصنك واستوت حسن الاقامه في قوامه
يا عذاب اللي وقف مايين ترحاله وحله
لا تلومين الحبيب اللي بلغ ذروة غرامه
فاتنه في كل حل وفاتنه في كل حله
السلامه من لقاك ولا سمع مع السلامه
في محله مايبي غير التأمل في محله
عن عيوني غطي الوجه الطفولي باللثامه
كان مانزهت قدر الحب عن درب المذله
كلمات شيلة دماح زله
كلمات : عتيم
اداء : بدر بنيدر