طرحت النجمة أنغام - Angham أحدث أغانيها بعنوان "Boaadak Wagaa - بُعدك وجع" ضمن ميني ألبومها الجديد "دي روحي" لعام 2026، في عمل غنائي يحمل طابعًا عاطفيًا عميقًا، تواصل من خلاله أنغام تقديم أسلوبها المميز في الأغاني الرومانسية، بصوتها الدافئ وإحساسها الراقي.
أغنية "بُعدك وجع - Boaadak Wagaa" من كلمات عليم - Aliim، وألحان إيهاب عبد الواحد، ومكس وماستر أمير محروس، لتقدم تعاونًا جديدًا يجمع نخبة من صناع الموسيقى العربية في عمل يبرز الإحساس والكلمة واللحن بأسلوب أنغام المميز. وفيما يلي كلمات الأغنية كاملة ومكتوبة.
كلمات اغنية بُعدك وجع - أنغام
بعدك وجع حساك راجع
والشوق زوّد لي احتمالاتي
ايوه بعاني ارجع تاني
علشان نفسي ارجع لحياتي
وكإنك مافرقتش حضني
وكإنك لسه في ايامي
يا ذكرى ودايما بتاخدني
يا حكاياتي في كل كلامي
يا اول كام ساعة في يومي
يا آخر كام كلمة في ليلي
يا احلامي الحلوة في نومي
هعيش على امل انت تجيني
كل اما أقول قرّبت أنسى
كل اما قول أنا بتعافى
ألاقي الشوق باين لسه
وفي العين دمعة ومتشافة
وكإن الشمس ماطلعتشي
من يوم ما انت فارقت سنيني
وكإن الدمعة ماتعرفشي
مكان في الدنيا دي غير عيني
ولا تطلع كلمة يا حبيبي
لغيرك ولا تتقال تاني
ليالبنا معقولة يا حبيبي
مش وحشاك زي ما وحشاني
كل اما أقول قرّبت أنسى
كل اما قول أنا بتعافى
ألاقي الشوق باين لسه
وفي العين دمعة ومتشافة
يا آخر كام كلمة في ليلي
يا احلامي الحلوة في نومي
هعيش على امل انت تجيني
كلمات أغنية بُعدك وجع
كلمات: عليم
ألحان: إيهاب عبد الواحد
ميكس وماستر: أمير محروس