كلمات اغنية أجمل أشيائي - سلطان السمي
جابك الله يا حبيبي يوم فيك الحظ قام
أنت وحدك تلفت النظره وهو اللي أبيه
جيتني حبٍ عفيف وجيت لك كلي هيام
وكل يوم أسأل ضميري بين كيف وبين ليه
معك رافقت السعادة ذقت من طعم الغرام
يا الوليف اللي ملك قلبي غرامه وأهتويه
ضعت فيك ولاحدن قبلك خذا مني إهتمام
أنت ذاك اللي سنين العمر طافت وأحتريه
نوَّر الكون بعيوني وانجلى ذاك الظلام
أنت نور دروبي اللي دلني يوم أهتديه
المشاعر في وصالك يا حبيبي ما تلام
يا أجمل أشيائي الجميله مالك بغيرك شبيه
في حضورك يا منايه تضحك الدنيا سلام
ولو تغيب شوي عني ألمحك بين الوجيه
ما تفارقني ثواني حتى في أحلام المنام
كل يوم أبدا غلاك اللي عساني ما أنتهيه
لك بقلبي حب عذري ولك تقدير ومقام
يا بعد عيني وروحي قلبي اللي محتويه
ما يوفيك القصيد ولا يوفيك الكلام
كل بيتٍ لجل عينك أكتبه وأبدعت فيه
كلمات أغنية أجمل أشيائي
كلمات : المها آل مسعود
أداء : سلطان السمي
توزيع ومكس : حازم الأبيض