على بابك - لمياء المالكي والياس الستة

كلمات أغنية على بابك - لمياء المالكي والياس الستة

برأيي كل ما يحصل
ترى دايم من أسبابك
تحاول تخلق الزعلة
حتى لو بلا سبّه
وأنا لي قلب مغرم فيك
ولا ملّك ولا تابك
رغم تقصيرك المطلق
انت مالكه وحبّه

إذا هذا دلع قلّي
وادلع حتى من جابك
مصيبة كل ما يخمد
زعلنا ترجع تشبّه
أبيك تحسني أهلك
وربعك كل أبو أحبابك
تحب اللي يحبوني
ومن يجرحني تسبّه

أحبك حب يا كبره
ولا أقوى لحظة غيابك
وإذا في يوم قلت أنساك
تراها بذمتي كذبة
تصدق كل ما تزعل
يجي قلبي على بابك
بليا شعور يتركني
ويتوكل على دربه

حبيبي ودنيتي وروحي
أموتك حب وأحيا بك
وغيرك لو يجي ما أبيه
ولا لي بغيرك أي رغبة
عسى دايم معي تبقى
وأعيش أيامي أهنا بك
يا واحد غيبته عني
كآبة متعبة صعبة

كلمات أغنية على بابك لـ لمياء المالكي & الياس الستة

كلمات: رياض العوض
ألحان: أحمد الخليدي
مكس وماستر: جاسم محمد