كلمات اغنية اسمع اغاني - محمود الشاعري
اخر ظهور وياك يمتى نعيده
نزلت رسالتنا وصارت بعيدة
امحضرلك اني اليوم قصة جديدة
ونسولف اني وياك كل الاريده
درب الهوى غلاب ياخذني يمك
واوكف واتاني الباب تفتح واضمك
والگة بنظرتك حاب يجويني دمك
وبين ايدي گلبك ذاب ويريد المَّك
عاجبني اعيش وياك جو ماله ثاني
ومن الصبح لليل بس انت واني
نفتر سوى ابغداد نسمع اغاني
يمي مكانك اي ويمك مكاني
كوفي جديد هناك نگعد واگلك
ابراسي صوت يگول هذا اليكملك
لايگ عليك هواي لايگلة كُلك
عگدة انت بالشريان واشلون احلّك
فَتْحٌ كَبِيرٌ كَان وَالجَيْشُ آتي
أَوْدَى بِقَلْبِي بَلْ هَزَّ ثَبَاتِي
نَظَرَاتُ عَيْنَيْكَ تِلْكَ الصِّفَاتِ
هِمْتُ بِهَا وَالشَّوْقْ احْتَلَّ ذَاتِي
عاجبني اعيش وياك جو ماله ثاني
ومن الصبح لليل بس انت واني
نفتر سوى ابغداد نسمع اغاني
يمي مكانك اي ويمك مكاني
كلمات أغنية اسمع اغاني
كلمات : حسن رضا
الحان : نصرت البدر
توزيع : احمد جوزي
مكس وماسترنغ : حذيفة الفارس