كلمات اغنية وجودك - ايمان الشميطي
وجودك حيل أثّر بي
ووداني لعالم غير
رسم بعيوني الفرحة
وغيَّر كل خطواتي
بديت اشعر بأني حي
تغير فيني التغيير
كأني فديرةٍ ظَلمَه
واشْعلت انفعالاتي
مشيت وعيني بكفّك
ابي كفّك في كفّي يصير
ابي لمسه من حظوظك
عشان اقرى احتمالاتي
واشوفك في السما نجمٍ
لأني في سماك أطير
يا أول من عطاني جْناح
عدّى كل خيالاتي
وجودك حيل أثّر بي
ووداني لعالم غير
لعالم غير
تصدق اني لا شفتك
حمل مني يطيح كبير
وأسلم عالمي عيونك
وتكبر كل حكاياتي
أنا ويني يا اجمل حب
عجزت أفهم ابي تفسير
عيونك ليه ودتني
بعيد هناك في ذاتي
ابي باكر وابي الحاضر
وأبيك انته.. يا وقت الخير
واذا اشرق علي بوحك
ابيك ترتب سكاتي
ياليت الوقت يرجع بي
وأغيّر واقعي ونطير
في دنيا غير هالدنيا
معاك أرسم بداياتي
وجودك حيل أثّر بي
ووداني لعالم غير
لعالم غير
كلمات أغنية وجودك
ألحان: مطر علي الكواري
كلمات: نوّاف النِّصف
توزيع: علي أباظة
مكس وماستر: جاسم محمد