كلمات شيلة ياثقل الليل - فهد بن فصلا ومنير البقمي
ياثقل الليل ونجومه على متجافي الجنبين
بعد ما جاه تكاك الصدور ونوخ رحاله
بلاه من الهموم اللي بعد ماقفو السارين
تمره بين حين وحين والاخرى تعناله
يكابر قدم عذاله ويطمع سلوة السالين
ويخشى بعض الاشياء اللي تمر احيان في باله
الا يالله عجل بالشفاء وقرايت الراقين
ما سوت شي والصبر انتهى والحاله الحاله
عسى في المقبله خير وعسى بعض الامور تزين
لنا في الله ضنٍ ما يخيب وفالنا فاله
عليل الروح من ضغط المرض والسحر ولا العين
توجاسه يشوف ان الكلام الصدق دهراله
على قصور الرخام الفارهه ولا بيوت الطين
يعيد الذكريات الماضيه ويلعق اماله
ياعشاق القصيد وزمرة الشعار والغاوين
عليكم رحمة الله لا تجون بغرة الداله
تغنو في قمر خمسة عشر ولا قمر عشرين
بعضكم مايعرف الحق لو نحط معداله
انا مقفي ولا ادري وش يبا اللي يتبع المقفين
فمان الله واللي فات مات وعندي رساله
هوى المستشعرين اللي يبون الصلاح ذات البين
يسير في لواهم والغرض في سعي ودلاله
ما جابو علمن مشرف ولا قالو قصيدن زين
يمانيهم يصافحها عزيز النفس بشماله
لاكن ارسل تحياتي على ابن بريك وابن معين
وباقيت شعرانا مع مهف مقيط وحباله
يامنسوب العزاء وجه وعز الشيخ في الحيين
وخص الشايب اللي دون حقه ميل عقاله
بلشنا في كلام البدو عند معرب الجدين
لقينا الطيب في عمه وجانا الشين من خاله
عيال ادم وحوى في اتجاه السير مختلفين
لاكن الاختصار يوضح المضمون مواله
يقصون الاثر من ضيعو قبر الشريف حسين
لو انه ضاع قبره لا تضيع قيمة عياله
صبرنا وانتظرنا حلها من قبل عشر سنين
قبل لا يصبح الموضوع دوره لابو محاله
تركنا السيف في غماده وصارت سلة السكين
تحاول تعلب الادوار ولا تاخذ افعاله
يعيش الرجل في ذله ليا منه فقد ثنتين
الاولى تضعف عزومه والاخرى تهفي سباله
ليا ضيع مقامه في عيون ربوعه الادنين
وقاطع خيرة اخوانه وقدر هافي عياله
لونا عن متهات الزمان وموجته دراين
ماشفنا الضيقه اللي خلف قفل الباب مختاله
على وجه السجين اللي كلامه في دموع العين
ما قدر دمعته فالموقف الا جناح دسماله
متى يطلع هلال الغايب وعيد الفرح عيدين
لو الجمال واحد كل عشرت قوم جماله
ليا قامت رواسي نجد مرن تتتقي وتبين
ما نظر يمها والعين في العارض وفي جباله
ليا منه سرى من ليل مهموم البشر ثلثين
سرى مندوب فكري والطريق يلاعب امياله
توجه يارسولي وانحر قصور النقا والدين
وقلطها على شيخٍ فعوله تسبق اقواله
ليا جيت المضوف اللي بداية مدخله سيدين
سلمت الشر سلم لي على بن عسيود واله
مقام الشيخ عايض يجعل سفوح الجبال تلين
وتخضع في وقارة هامة العليا وتحناله
سليل الشايب اللي يندعى باسمه على اهل الظين
يفطحها قدوع ضيوفهم مع صبت دلاله
نشوف اسم العضياني ل صكت الزمن تامين
ليا منه ثقل حمل القبيله شرب فنجاله
مجاويخ القبايل نصفهم في قصرة متكين
ظلال بشوتهم في ظل بشتن يكبر ظلاله
ياكثر اصحابنا الادنين ولا اصحابنا الاقصين
ولاكن عايض بن عويض بن عسيود الحاله
بني الحارث يكفيهم من التاريخ فعل اثنين
الاول خيره اجياله والاخير خيره اجياله
مكان الشيخ مقبول وصليل السيف ابو حدين
وفعل الشيخ عايض يوم كفه تنفد امواله
وشهادة سيد الخلق النبي تبقى ليوم الدين
فخر سموى بني الحارث هل الطيب وهل القاله
بعدها ليه ننشد عن علوم العالم الباقين
وحنا اعرق قبيله في الجزيره واطيب سلاله
كلمات شيلة ياثقل الليل - فهد بن فصلا ومنير البقمي
كلمات : يوسف الشلوي
أداء : منير البقمي & فهد بن فصلا