كلمات شيلة سامحيني سامحيني - محمد بن غرمان
سامحيني سامحيني لدّني عنك لزوم
ولا قضيت اللازم اللي لدّني بازهم عليك
احتريني بالمجي في ظرف يوم أو شبه يوم
بنهب الخطوه واميّل عن متاهات السكيك
صحبتي ويا البطى من غير لازم ما تدوم
واجملي ماله عوايد عند حيضانه بريك
ذا وملزوم الوداد اللي زوى عنه السموم
تاجه الغالي أنا ويّاك في لبسه شريك
ان تعلينا سكنّا فوق هامات الغيوم
وان تمشينا فحنا في الرياض الخضر ذيك
بين وردٍ يانعاتٍ تحمل الازهار توم
مثل ما انا وانتي في ظل الموده قبل اجيك
ادري انك عاد مايخفاك تفنيد العلوم
فيك من وسم الذكا والزين كل الزين فيك
وادري ان الشك طيره في سمانا مايحوم
لا وحنا عن سهام اللوم في حصنٍ سميك
يا شعاع الشمس يا نور القمر بين النجوم
يا براد النسمه اللي تحتفي بك بين ايديك
يا البهاء يا بهجة اللولو بعين اللي يسوم
يا وحيدة خاطري دايم عيوني تحتريك
كلمات شيلة سامحيني سامحيني
كلمات: عبدالرحمن الغريب
مكس توزيع: حازم الابيض