كلمات اغنية مش ضروري - فرج سليمان
مش ضروري كلّ شوي
نتخانق كلّ شوي
بكرا الزعل بطول
منقعد لحالنا نقول
لو صبرنا بعد شوي
وضعي وضعك شي تعتير
كل ما نتخانق بتصير
تحكي اشيا كبيرة كتير
كان ماشي حالنا قبل شوي
شو هالحب الكلّو شروط
بيخلق مرة وعشرة بموت
جيبنالك من الشمس خيوط
وانت مقعدّنا بالفي
خلّي مطرح للمودة
ما حدا فهمك قدي
بتصير نزعل كل مدّة
مش كلّ شوي
ساعة بتقلب شخص منيح
حكيك كلّو بصفّي مريح
فجأة بترعد بتعصف ريح
وبتغرّقنا بالمي
قلّي بدك روح بروح
حاجي تهدّ علينا سطوح
الله يجرصك شو مفضوح
مبهدلنا بالحي
اتركنا انلاقي حل بلكي
انت الحل معك لبكي
ما تحكي وانا عم بحكي
خلّيني كفّي لحظة شوي
كلمات اغنية مش ضروري لـ فرج سليمان
كلمات: محمد دايخ
موسيقى: فرج سليمان
مكساج: جوليان رييبوز
ماسترينغ: فرانسوا سونيك