كلمات اغنية جوك مثل جوي - ماجد الرسلاني
يا حبيبي من زمان
انت منبع للحنان
فدوتك كوني وحبي
انت داي وانت طبي
شوفتك وانتَ بجنبي
تمحي جروح الزمان
لك مكانٍ بالخفوق
صاعدٍ بالشوق فوق
اترك القلب بمحله
وحل وضع البعد حله
ما على مغليك عله
لكن لشوفك شفوق
صول بالخافق وجول
لكن بحسب الاصول
افهم أوضاع المودّة
وحبل حبك لا تشده
عاشقك ما شي هدّه
غير عشقك والميول
لوعة العشق ودواه
لهفة القلب وهواه
فيك يالغالي تنامت
صوب تيارك ترامت
عيني بشوفتك هامت
لبا قلبك مع وفاه
جل من كوّن حلاك
ميزك عن من سواك
يا حبيب الروح خلك
فوق هذا هو محلك
وانتبه لعيون خلك
واترك العالم وراك
فز يا رمز الدلال
وارتفع فوق الخيال
اسكن بجنب الثريا
لو قليل الذوق عيا
القمر لاجلك تهيا
واحترم فيك الجمال
رد لا من جاك صوت
عمر حبك لا يفوت
خلها بيني وبينك
لبا والله شوف عينك
حط يدّي في يدينك
واترك العاذل يموت
تمضي ايام السنين
وتنطفي نار الحنين
يا حبيبي لا تجرّب
ولغرامك لا تخرّب
واترك الفرقا وقرّب
خل عنك الحاسدين
عادتك دايم عنيد
وانت في قلبي وحيد
شوفتك تبري جروحي
يا هوى قلبي وروحي
جيتك مثبت وضوحي
طاوي الدرب البعيد
عشت لعيونك غرام
فوق لوعات الهيام
مسلتذ بما تسوي
وانت جوك مثل جوي
يا منى عيني وضوي
يا نغم صوت الكلام
كل ما شفتك لفيت، لفيت
كني لفرحي لقيت، لقيت
عشت في حبك ليالي
لا أهاب ولا أبالي
حافظ ان لك عهد غالي
ما نسيت ولا سليت
يا حبيب الروح جاك، جاك
صوت من قدر وغلاك، غلاك
عاشقٍ مخلص وصافي
في دروب الحب وافي
لا يصد ولا يجافي
والذي صوّر حلاك
كلمات أغنية جوك مثل جوي
كلمات الشاعر : نواف هلال
توزيع ومكس : اذواق الفن