كلمات أغنية احكيلي وفضفضلي - الحسن عادل
شايفك بتكلم نفسك
من جوه وعمال تحكي
من بره يا عيني بتضحك
ومداري ان انت بتبكي
واقف في مكانك عادي
وعمرك هو اللي بيجري
تمثال من جواك فاضي
قلبك مفتوح ع البحري
تعبان علشان مشغول بحاجات
وبتمشي كمان مشواير مسافات
دي الناس أصلا مش حاسه وجودك
عايش على ماضي ده عدى وفات
بتبص يمين وتبص شمال
مين فاضل كده على نفس الحال
بتدور على ناس كانوا معاك
دلوقتي مفيش لوجودها مجال
احكيلي بقى وفضفضلي
ده انا زيك ليا حكايه
واللي حصلك ده حصلي
وكأنك جوه مرايا
سيب كل الدنيا شويه
وتعال اتمشى معايا
هسمعلك 100 ال 100
وهسيب كل اللي ورايا
تعبان علشان مشغول على طول
لفيت ومشيت في طريق مقفول
والأصعب انك صعب تقول
ولا لاقي كمان كده اي حلول
بتبص يمين وتبص شمال
مين فاضل كده على نفس الحال
بتدور على ناس كانوا معاك
دلوقتي مفيش لوجودها مجال
احكيلي بقى وفضفضلي
ده انا زيك ليا حكايه
واللي حصلك ده حاصلي
وكأنك جوه مرايا
سيب كل الدنيا شويه
وتعال اتمشى معايا
هسمعلك 100 ال 100
وهسيب كل اللي ورايا
كلمات أغنية احكيلي وفضفضلي
كلمات: سيد حسن
ألحان وغناء: الحسن عادل
توزيع، ميكس وماستر: يوسف حسين