كلمات اغنية برا و بعيد - ماجد المهندس ونوال
برا وبعيد الشر يا أرض العزيزين
الله يبلى من بغدر ابتلوها
دون الخليج أبطالها مستعدين
أرواحهم لأجل الخليج ارهنوها
ما يختلف على مواقفهم اثنين
الله عطاها والرجال احتموها
إليا تكاتفنا بوجه المعادين
أرض المكارم بالسعد بشروها
أنا سعودي وإماراتي وبحريني
وانا قطري يا هلي وكويتي وعماني
هم عزوتي كل ما ضاق الفضا فيني
إخواني واحسهم أكثر من اخواني
لو تختلف وجهات الأنظار باللين
وقت الشدايد كل زلة نسوها
اخوان بالأنساب واخوان بالدين
واديارهم على المعزة بنوها
القلب واحد والمحبة ملايين
ميثاقهم كلمة شرف واحفضوها
دام الغلا في ساعة الشدّة يبين
تكفون بوسو رأسها واشكروها
أنا سعودي وإماراتي وبحريني
وانا قطري يا هلي وكويتي وعماني
هم عزوتي كل ما ضاق الفضا فيني
إخواني واحسهم أكثر من اخواني
كلمات أغنية برا و بعيد
كلمات: خالد المريخي
ألحان: أحمد الهرمي
توزيع موسيقي: زيد نديم
ميكس وماستر: م. جاسم محمد