كلمات اغنية ابشر بعزك - ماجد المهندس
يالعزيز اللي نويت تعز نفسك عني
بعد ما عزّك خفوقي وبعد ما عزّيتك
إبشر بعزك حبيبي لاجل تعرف إني
مثل ما لبّيت وصلك في الجفا لبّيتك
يا حبيبي انت تامر قبل تطلب مني
كيف لا وانت على كل البشر بدّيتك
ما أردك قرب والا بُعد يا مجنني
لو على روحي تأشر والله ما ردّيتك
يالعزيز اللي نويت تعز نفسك عني
بعد ما عزّك خفوقي وبعد ما عزّيتك
إبشر بعزك حبيبي لاجل تعرف إني
مثل ما لبّيت وصلك في الجفا لبّيتك
طاعتك واجب على قلبي وعلي لاني
مثل ما تبغي حبيبي في المحبة جيتك
حسن ظنك في محله ولا اختلف بك ظني
راح أحقق أمنياتك كثر ما تمنيتك
عشت أنا السبع السمان اللي معاك وكني
ببدأ السبع العجاف وغنوتي حبيتك
المهم إنك حبيبي عايش ومتهني
والا أنا بموت من بُعدك ولا ناديتك
يالعزيز اللي نويت تعز نفسك عني
بعد ما عزّك خفوقي وبعد ما عزّيتك
إبشر بعزك حبيبي لاجل تعرف إني
مثل ما لبّيت وصلك في الجفا لبّيتك
جرحك الغالي بنزفه من جفاك يغني
منه حن اطرافك الترفه إذا لاقيتك
لا تقل للناس جرحي قل لهم متحني
قل لهم اني بدمي يالغلا حنيتك
يالعزيز اللي نويت تعز نفسك عني
بعد ما عزّك خفوقي وبعد ما عزّيتك
إبشر بعزك حبيبي لاجل تعرف إني
مثل ما لبّيت وصلك في الجفا لبّيتك
كلمات أغنية ابشر بعزك
كلمات: ناصر بن عبدالله آل ثاني
ألحان: وليد الشامي
غناء: ماجد المهندس