كلمات اغنية ذكرى - مسفر السندوانه
كل ما طرى زوله له الفكر هاضي
غروٍ خدلّج من المهايا والأريام
اشتاق له شوقٍ يفوق الأراضي
وأحن له حن الثكالى للأيتام
عشته غلا لكن كم التغاضي
عيّيت أعدي له من أعوام وأعوام
ساري وحزني وسط الفواد لاضي
كنّه مفجّر في الحشا عشرة ألغام
افنيت عمري في لزوم ومقاضي
لكن حكمه للأسف حكم الإعدام
شبعت من حكيٍ بلا شك فاضي
بين الحقيقه والأماني والأحلام
ما عادنا يالوقت نحتاج قاضي
يمثلون الحب قصه في الأفلام
قانع ومتصالح ورايق وراضي
ما عاد عندي وقت تصديق الأوهام
اللي أحبه صار في فعل ماضي
ذكرى وتطويها الليالي والأيام
كلمات أغنية ذكرى
كلمات : سعود بن طريش
اداء : مسفر السندوانه
توزيع ومكس : تون لايف