كلمات قصيدة خلصن بجي اعيوني - مسلم الوائلي
خلصن بجي عيوني
يخواني لحگوني
مو راح اطب گبري
جا هم تعوفوني
انطوني راي شلون بله
گلبي يوجعني عليكم
الموت اجاني وعطليته
ارد اموتن فوگ اديكم
مره سووها وتعالوا
عمري خلصته انه اجيكم
مالي خاطر عدكم انه
منين هذا الگطع بيكم
ياهو سامع بالخلگ
تابوت يبجيله اعله اهل
وصلت لحد لف الجفن
ومحد على زينب سأل
حته من اموتن ما تفض
هم راح بس بيه انه ظل
بعد ما اعاتب ولا اصيح اخوتي
اليحبني يجيني لأن گاضي صوتي
متت من زمان انه مو هسه موتي
خلصن بجي عيوني
يخواني لحگوني
مو راح اطب گبري
جا هم تعوفوني
اليوم حگ الخوه اريده
وتعبي العليكم تعبته
ياهو من عدكم تطشر
وانه ما دنگت شلته
راح اگلك كلمه وحده
وادري ما ترضاها انته
الشامت بصف نعشي يسأل
حسين شو ما جاي لخته
انه المتعبتني تره
والكاتلتني من الهظم
تابوت زينب وحده
مامش بجي ولا اكو لطم
الجفن بالغربه الحبل
هم خشن ياكل بالعظم
المره لمن اتطيح يلحگوها اهلها
يمسحون دمعها ويعدلون حملها
بس زينب اتموت ولا واحد الها
خلصن بجي عيوني
يخواني لحگوني
مو راح اطب گبري
جا هم تعوفوني
شيلت التابوت سهله
بس منو الشال الثگيله
ابنك احتار بدفنتي
وخلص من الغربه حيله
نعش اختكم يا آل هاشم
ماكو خوان التشيله
تالي ما تالي يخوتي
غربه التشيع العقيله
شو لا اعمامه ولا علم
شو لا اخواني ولا ولد
التابوت يهتز بالمشي
وبين بخشباته الفگد
تانيت حد ما ايست
والغربه تمرد بالجبد
اليريدون يموتون يذكرون ولدهم
وانه من اجه الموت اخوتي ردتهم
ما اريدن الشام ادفنوني يمهم
وگفت التابوت هايه
ذكرتني بوگفت التل
من صحت عوفيني خويه
وانه گتلك ما اتحمل
ايد ذباحك خفيفه
توصل النحرك وتثگل
شما اگولن هاي هيه
ارجع انعاك من الأول
مذبوح وتباوع إلي
ما ينوصف هذا الوفه
تستاهل اصعدلك هزل
وادخل الكوفه مجتفه
كل جمر طاح من الخيم
حسين برجل زينب طفه
اجيك انه والخيل تردني المجاني
ضلعك بالخيول للخيام اجاني
حرت هسه ألم بيك لو ارجعلك اني
خلصن بجي عيوني
يخواني لحگوني
مو راح اطب گبري
جا هم تعوفوني
جابوا اسمك بالطواري
وصيحت يا بعد عمري
حتى وانه بگبري احبك
وكاتبه اسمك جوه گبري
ما احجيلك عن غلاتك
وبمعزتك انت تدري
ياهو غيرك عندي يسوه
وياهو غيرك كسر ظهري
خليلي ثوبك عالگبر
تدري اعله ريحتكم احن
عطرك يهون غربتي
ويطيب جروح المتن
الشام والحافر سوه
طحنن گلب زينب طحن
اخيتك غريبه وجبيره وسبيه
وعطر ثوب الحسين يهون عليه
أثر ذيج الأحبال لهسه اعله اديه
كلمات قصيدة خلصن بجي اعيوني
قصيدة : خلصن بچي عيوني
أداء : مسلم الوائلي
كلمات : حسين كاظم الشبلاوي